2392/2022-2023
Aizawl, the 21st October 2022 : Mizo Students' Union(MSU), General Headquarters hruaitute chuan vawiin khan Raj Bhavan-ah Governor Hari Babu Kambhampati an hmu a. Zirlaite khawhawi ti zau tu atan leh an zirna pui turin cultural exchange program, expedition leh exposure tour chungchang an sawipui.

MSU hruaitute chuan MSU in zirlaite puala hmalakna pawimawh tak tak an neih chungchang te leh an hmachhawp thenkhat te Governor hi an hrilh hriat hmasa a. MSU hmachhawp zinga pawimawh tak - Mizoram chhunga zirlaite puala Cultural Exchange Programme, Expedition tour leh exposure tour buatsaih chungchanga rawtna an neih te Governor hnenah hian an theh lut a. Governor chu theihtawp chhuahpui turin an ngen a ni.

Governor nena an inkawmnaah hian Pu Samuel Zoramthanpuia, President, Pu Laldinsanga, Vice President, Pu Lalramhluna, General Secretary, Pu Samuel Lalruatdika,  AGS  leh Pu Lalrampanmawia, Fin Secretary te chuan MSU ai an awh a ni.