Mizoram sorkar  Information & Public Relations Department tirha India Republic Day, 2018 New Delhi-a kal Tribal Representative 2 leh anmahni hruaitu Pi K. Vanlalsangi, IPRO te chuan tluang takin Aizawl an lo let leh ta.

Tribal Representative leh anmahni hruaitu I & PR Officer hi New Delhi a an cham chhung zawngin sorkar laipuiin duat takin a lo mikhual a. An cham chhung hian Republic Day lawmna Raj Path ah VVIP thutna bulhnai takah thutna siam sak an ni a. Republic Day lawmna programme chi hrang hrang sorkar in a bik taka a buatsaihah hruaikual an ni a. India President te, Vice President leh Prime Minister te chenna inah thingpui ruai buatsaih sak an ni a, heng bakah hian NCC Rally leh Beating Retreat te entir an ni a, Gandhi Samadhi (Gandhi Thlan) ah an kal bawk a ni. Delhi a hmun pawimawh thahnem takah hruaikualin Tribal Representative te hian hun hlimawm tak Delhi a an cham chhung hian an hmang a ni.

Pi K. Vanlalsangi leh sorkar tirh Tribal Representative te hi 22^nd  January, 2018 khan New Delhi ah an thleng a, 3^rd February, 2018 khan an rawn let leh a ni.