Vawiin chawhma khan Lunglei Govt. College Multipurpose Hall ah Mizo Upa Pawl Hqrs Lunglei General Assembly vawi 45 na hman ani. Pu Lawmawma Tochhawng, Vice Chairman, Lunglei High Powered Committee chu khuallian niin a hmanpui.

General Assembly inkhawm hi Pu Sanghlira Colbert, President, MUP Hqrs Lunglei kaihhruai ah hian Pu Lawmawma Tochhawng chuan thusawiin MUP hi pawl entawntlak leh Mizoram ti Mizoram tu in ni ati. Upa te hi rohlu in ni a, naupang zawk ten zirtur kan ngah hle in zirna in tha, vantlang hmun tha tak tak kan neih te hi upa te vang ani tiin ram leh hnam hmasawnna kawngah thurawn pek a nghaihna ah inthlarung lo tur in a chah. Mizo nunphung tha tak hi upa te vang nung leh hlu ani, tumah in ti tar lovin thalai anga awm turin a duh a ni.Ram leh hnamin harsatna a tawhin remna siam tu an nih thin avangin fakawm ati a, hrisel taka damrei theuh turin duhsakna a hlan ani.Pu Lawmawma Tochhawng chuan MUP te thingpui in nan Rs 10,000/=a pe bawk.

Pu RK. Thanga, President, General Hqrs, Aizawl pawhin thusawiin upa ten an vei ber chu ruihlo vanga thalai thi an tam lutuk leh central service a lut an tlem lutuk hi ani. Engmah ti theilo lo tura in ngai lovin upa te hlutna tipung in faina leh thianghlimna ngaipawimawh a mite tana malsawmna ni theuh turin a chah ani. Upa te tana hamthatna hrang hrang an dawn theih dan te a sawi.

Mizo Upa Pawl Gqrs. Lunglei hi ni 12.7.1975 a din niin unit 131 awmin, member10036 an awm ani.Chawhnu ah rorelna leh kum 2019-2021 chhung atana hruaitu thlanna an nei bawk.