Vawiin chawhma khan Convention Centre, Lunglei ah Mizo Upa Pawl, Hqrs, Lunglei Assembly Vawi 46 na hman ani. Dr.R.K. Lallianthanga, Chief Scientific Officer, Science & Technology, Govt. Of Mizoram chuan khuallian niin a hmanpui.

MUP Assembly inkhawm hi Pu B. Lalchungnunga, President MUP, Hqrs, Lunglei in kaihhruaiin Khuallian chuan Lunglei hi zirna, hriselna, faina leh kawng dang dang ah hma a sawn hle a, Upa te pawh faina, hriselna ngaipawimawha, inpumkhatna tha tak nei hmasawn zel turin a chah a ni. Upa te hi hnam rohlu in ni a, khawtlang leh ram tan pawimawhna in nei a , thurawn pek ngaihna ah thurawn pe turin a duh ani. Upa te hian tawn hriat in ngah a,naupang zawk te finchhuah theuh turin leh ram leh hnam tan thurawn petu ni theuh turin a duh a, nakin zela thalai te tana tangkai tur, in tawn hriat te ziak a dah turin a duh ani. Tunlai thalai ten technology chhuak thar an hman te ning mai lovin in zir fin tum turin a chah bawk ani. Dr. R.K. Lallianthanga hian Lunglei MUP member 30 te tan Berawtlang, Aizawl a Science Centre fan theihna tur a buatsaihsak dawn thu a sawi.

Mizo Upa Pawl, Hqrs, Lunglei ah Unit 133 awmin, member 10,076an awm a, nikum leh kumin chhungin member 329 boralin, kum 100 tling 7 an la dam thu tarlan ani.

Chawhnu ah rorelna an nei nghal bawk.