Vawiin chawhma dar 10:30 khan District Task Force on Mahila Shakti Kendra chuan Bawrhsap Pisa ah Pu Chuauhnuna, Addl. DC hovin meeting an nei a, Swachhta Pakhwada (Cleanliness fortnight), 2020 hman dan tur an rel.

Pu Denny Lalchhuanawma, SDC, Nodal Officer chuan sawi hawnna neiin, Swachh Bharat Mission Shakti hnuaiah Swachh Pakhwada (Cleanliness fortnight), 2020 hi ni 1 March, 2020 atanga ni 15 March, 2020 chhunga hman turin Ministry of Women and Child Development, Mahila Shakti Kendra in ruahmanna a rawn siam anih thu a sawi.

Swatchhta Pakhwada (Cleanliness fortnight) hi chawlhkar 2 chhung hun hman tura ruahman anih angin Serchhipah pawh hman ve nise, tih a ni a. Chawlhkar 1 na ah hian Swachh Bharat Mission Pledge chu sawrkar department pisa zawng zawngah semchhuakin, lo chhiar vek tura ngen nise; cleaning drive leh office hnathawk ten faina chungchanga sawi duh an neihte sawi hona nei turin department zawng zawng ngen nise tih leh khaw chhunga vantlang inthiarna awmte enfiah nise tih a ni bawk a, enfiahtu turte pawh ruat nghal an ni bawk a ni. A chawlhkar 2 na ah hian Poshan Abhiyan, Serchhip Block nena tangkawpin hmalak nise, tiin ruahmanna siam a ni bawk.