Mizoram State Law Commission (MSLC) buatsaihin vawiin khan I&PR Auditorium-ah ‘Consultation & Discussion on Application of Various Laws in the State of Mizoram’ neih a ni a. Law & Judicial Minister Pu Lalsawta’n Khuallian chan changin Discussion hi a hawng a, hawnna inkhawm hi MSLC Member-Secretary Pu Zahmingthanga Ralte-in a kaihruai a ni.
Hawnna inkhawmah thu sawiin Khuallian Pu Lalsawta chuan Law Commission hmalaknain Mizoram State chhunga Dan hmanlai leh hman theih te chungchang sawihona buatsaih a ni theih chu a lawmawm a ni, a ti a. Mizote nunah Dan-in ro a relna a la rei lo a, hnam naupang leh mawl tak kan nih laiin khawvel hmasawnna leh Dan ten min rawn nangching thut a, Mizo hnam leh khawtlang nunte chu Dan milin kalpui a ngai ta a. Democracy rama cheng kan nih angin Dan rorelna hnuaiah awm kan nih tih kan hriatreng a tul a ni, a ti. Ram Danpuiin Fundamental Rights hnuaiah zalenna min pek rual rualin Dan hmangin khuahkhirhna leh khap chin a neih te chu ngaih pawimawh tur a ni, a ti bawk. April ni 1, 2009 atanga India rampuma hman tura siam ‘Right of Children to Compulsory & Free Education’ chu Mizoramah pawh hman theih tura bawhzui mek a nih thu a sawilang bawk.
Mizoram State Law Commission Chairman Pu R.Lalrinawma, MLA chuan Discussion chhimtu zawng zawngte lawmna thu sawiin March ni 4, 2009-a a din tirh atanga Law Commission hmalakna hrang hrang te a tarlang. Ram leh hnam hmasawnna turte, mipui himna tur leh thlamuang taka mahni theihna zawn theuha hmasawnna turin Dan tha neih a pawimawh a. Dan kan zaha kan zawmte, Dan hmanga rorelna kan ngaih pawimawhte a tul hle a ni, a ti. Mizorama Dan hman mek siamthat ngai leh Dan thar mamawh tam tak awm theite chu vawiina Discussion-ah sawihova, mitam ber thatna tur leh himna tur Dan kan siam leh neih chho zel a tul a ni, a ti.
Mizoram State Law Commission hi 4th March, 2009-ah din a ni a, 21st April, 2009 khan Home Minister Pu R.Lalzirliana’n Law Commission Office hawngin hnathawk theia bunfel a ni. Law Commission-ah hian Chairman leh Member-Secretary bakah Member 7 an awm mek a, chungte chu :- 1)Pu Biswajiyt Deb, Advocate General, Mizoram, 2)Pu P.Chakraborty, Commissioner/Secretary, L&J, 3)Pu S.Khipo, CEM, MADC, Saiha, 4)Pu Ngunlianchunga, CEM, LADC, Lawngtlai, 5)Pu Kalikumar Tongchongya, CEM, CADC, Kamlanagar, 6)Pu Michael Zothankhuma, President, Mizoram Bar Association leh 7)Pu T.Saikunga, President, MJSA te an ni.
Vawiin-a Law Discussion hunah hian Paper pahnih chhiarchhuah a ni a, chawhma lamah ‘Application of Varous Laws in the State of Mizoram before 20th Feb, 1987’ Pu R.C.Thanga, Spcl. Public Prosecutor-cum-Govt. Advocate ziah leh ‘Application of Various Laws in the State of Mizoram after 20th Feb, 1987-Limitations & Remedy’ Pu L.H.Lianhrima, Advocate ziah te an ni a. Kalkhawm zingah MLA, Law & Judicial Officials, tlawmngai pawl hrang hrang aiawhte bakah Law College zirlaite an tel a, Paper pahnih chungchang zawhna leh chhanna hun hman a ni a, rawtna tha tak tak engemawzat sawiho a ni bawk.
Mizoram State Law Commission Chairman Pu R.Lalrinawma, MLA chuan Discussion chhimtu zawng zawngte lawmna thu sawiin March ni 4, 2009-a a din tirh atanga Law Commission hmalakna hrang hrang te a tarlang. Ram leh hnam hmasawnna turte, mipui himna tur leh thlamuang taka mahni theihna zawn theuha hmasawnna turin Dan tha neih a pawimawh a. Dan kan zaha kan zawmte, Dan hmanga rorelna kan ngaih pawimawhte a tul hle a ni, a ti. Mizorama Dan hman mek siamthat ngai leh Dan thar mamawh tam tak awm theite chu vawiina Discussion-ah sawihova, mitam ber thatna tur leh himna tur Dan kan siam leh neih chho zel a tul a ni, a ti.
Mizoram State Law Commission hi 4th March, 2009-ah din a ni a, 21st April, 2009 khan Home Minister Pu R.Lalzirliana’n Law Commission Office hawngin hnathawk theia bunfel a ni. Law Commission-ah hian Chairman leh Member-Secretary bakah Member 7 an awm mek a, chungte chu :- 1)Pu Biswajiyt Deb, Advocate General, Mizoram, 2)Pu P.Chakraborty, Commissioner/Secretary, L&J, 3)Pu S.Khipo, CEM, MADC, Saiha, 4)Pu Ngunlianchunga, CEM, LADC, Lawngtlai, 5)Pu Kalikumar Tongchongya, CEM, CADC, Kamlanagar, 6)Pu Michael Zothankhuma, President, Mizoram Bar Association leh 7)Pu T.Saikunga, President, MJSA te an ni.
Vawiin-a Law Discussion hunah hian Paper pahnih chhiarchhuah a ni a, chawhma lamah ‘Application of Varous Laws in the State of Mizoram before 20th Feb, 1987’ Pu R.C.Thanga, Spcl. Public Prosecutor-cum-Govt. Advocate ziah leh ‘Application of Various Laws in the State of Mizoram after 20th Feb, 1987-Limitations & Remedy’ Pu L.H.Lianhrima, Advocate ziah te an ni a. Kalkhawm zingah MLA, Law & Judicial Officials, tlawmngai pawl hrang hrang aiawhte bakah Law College zirlaite an tel a, Paper pahnih chungchang zawhna leh chhanna hun hman a ni a, rawtna tha tak tak engemawzat sawiho a ni bawk.
