Ministry of Development of North East Region (DoNER)  chuan Chhingchhip, Serchhip District-a Sainik School sakna tur cheng vaibelchhe 82.89 ruahman chu  a thu phung (principle) in a pawmpui. He thu hi DoNER Minister BK Handique chuan Chief Minister Pu Lal Thanhawla hnenah nimin khan Delhi a meeting an neih tumin a hriattir.  
Mizoram a zirna hmasawn nana hmalak a nih mek lai a Sainik School sakna tur pawmpui a nih chu lawmawm a tih thu Chief Minister chuan a sawi a. He School hi kum 2014 chhunga sak zawh hman a nih a beisei thu a sawi a ni. DoNER Minister chuan Building luah theih a peih a nih veleh Ministry of Defence chuan Sainik School hi hawng tan turin a inpeih niin a sawi bawk.

Sainik School sakna tur sum  hi Ministry of DONER-in Non Lapsable Central Pool of Resources (NLCPR) 2010-2011 sum atanga a bithliah a ni.