Nimin khan MZP Hqrs, Mamit buatsaihin Chhimveng YMA Hall Mamit-ah 2009 - 2010 chhunga zirlai ti thate chawimawina leh Quality Education Campaign hun buatsaih a ni a. He hun hi Pu K.S. Thanga, Parliamentary Secretary Agriculture etc. in hmanpuiin zirlai ti thate hnenah chawimawina certificate a hlan.
Thusawiiin tunhma huna zirlaite ngaihtuahin tunlai huna zirlaite chuan hun thawl leh ralmuanna hnuaiah lehkha an zir thei tawh a. Chuvangin an vannei hle a ni a ti a. Hetih lai hian zirlaite pawhin hnathawk thei tur khawpa thiamna tak tak an neih a ngai a, chu chu education hian a tum ber a ni a ti bawk. Tunlai hunah kut hnathawh tlansan tawka zir thiamna tak tak nei si lo te kan tam ta nia hriain chu chuan hnathawh tur hmu lo awm mai mai a siam ta a ni tiin zirlaite chu sapin D3 an tih mahni inthununna, tumruhna tak leh inpekna tak tak neia an zirlaite bei turin a chah a ni.
Khuallian chuan zirtirtute mawhphurhna sawilangin zirtirtuten an subject theuhah naupangten phurna, tuina leh zir chakna an neih theih nan an zirtir dan pawh an her rem zel a tul a, tunlai thiamna mil zela zirtirna pe thei turin an in tuai thar a pawimawhin a tul a ni tiin chutianga tan la zual sauh sauh turin zirtirtute a chah bawk. Khuallian chuan ram hmasawnna tura thil pawimawh tarlangin Pathian tih chunga ram hruaituten ram an hruai chuan kan ram hi hnam ropui ah kan siam thei a ni tiin ram hruaitu dik, in pe, huaisen kan neih theih nan mipuite pawhin dikna, huaisenna leh rinawmna kan neih a tul a ni tiin zirlai nu leh pa leh khawtlang mipuite a ngen bawk.
Pu V.L. Kroshnehzova, President, MZP Gen. Hqrs. Aizawl pawhin thu sawiin chawimawi phu te chawimawia mi dik lo tih mualpho ngaite tih mualpho hi MZP zia a nih thu a sawi a. Tuna zirlai chawimawite pawh hian an certificate a thiamna mai hi chhuang lovin a taka an thiamna mite hmaa pholang ngam tur leh chutiang thiamna dik tak nei turin zirlaite a chah a ni.
Zirlai chawimawite hi HSSLC ah 1st Division 2; 2nd Division 8 niin HSLC ah Distinction 2 leh 1st Division 14 te an ni a. Tv. H. Lalduhsanga S/o H. Lalramliana'n LLB pass in Mizoram pumah 3 na a nih avangin chawimawina certificate an hlan bawk. Hemi rual hian kum 2009 - 2010 Session a Mamit HSS ten za a za an pass avangin certificate hlan nghal an ni a. Hei bakah hian Govt. Mamit HS Football Team Mizoram aiawha 4th National School Tournament, Aurangabad-a neihah an Champion avangin certificate an hlan bawk.
He hunah hian zirlai naupang, nu leh pa te leh khawtlang hruaitute an tel tha hle a ni.
Khuallian chuan zirtirtute mawhphurhna sawilangin zirtirtuten an subject theuhah naupangten phurna, tuina leh zir chakna an neih theih nan an zirtir dan pawh an her rem zel a tul a, tunlai thiamna mil zela zirtirna pe thei turin an in tuai thar a pawimawhin a tul a ni tiin chutianga tan la zual sauh sauh turin zirtirtute a chah bawk. Khuallian chuan ram hmasawnna tura thil pawimawh tarlangin Pathian tih chunga ram hruaituten ram an hruai chuan kan ram hi hnam ropui ah kan siam thei a ni tiin ram hruaitu dik, in pe, huaisen kan neih theih nan mipuite pawhin dikna, huaisenna leh rinawmna kan neih a tul a ni tiin zirlai nu leh pa leh khawtlang mipuite a ngen bawk.
Pu V.L. Kroshnehzova, President, MZP Gen. Hqrs. Aizawl pawhin thu sawiin chawimawi phu te chawimawia mi dik lo tih mualpho ngaite tih mualpho hi MZP zia a nih thu a sawi a. Tuna zirlai chawimawite pawh hian an certificate a thiamna mai hi chhuang lovin a taka an thiamna mite hmaa pholang ngam tur leh chutiang thiamna dik tak nei turin zirlaite a chah a ni.
Zirlai chawimawite hi HSSLC ah 1st Division 2; 2nd Division 8 niin HSLC ah Distinction 2 leh 1st Division 14 te an ni a. Tv. H. Lalduhsanga S/o H. Lalramliana'n LLB pass in Mizoram pumah 3 na a nih avangin chawimawina certificate an hlan bawk. Hemi rual hian kum 2009 - 2010 Session a Mamit HSS ten za a za an pass avangin certificate hlan nghal an ni a. Hei bakah hian Govt. Mamit HS Football Team Mizoram aiawha 4th National School Tournament, Aurangabad-a neihah an Champion avangin certificate an hlan bawk.
He hunah hian zirlai naupang, nu leh pa te leh khawtlang hruaitute an tel tha hle a ni.
