Vawiin chawhma ah khan Mizoram State Sports Council chuan  an Office ah National Karate Championship 2015-a medal 13 nena lo haw Mizoram Karate Team lawmpuina hun a buatsaih a. He hunah hian ‘Mizo Karateka’ te hian MSSC lawmpuina thilpek te Dy.Chief Whip Pu R.L. Pianmawia, MLA hnen atang an dawng a ni.

Pune, Maharashtra-ah May 16-17, 2015 chhung khan 18th National Karate Championship neih a ni a, he championship-ah hian Mizoram chuan a vaiin medal 13 dawngin heng zinga 7 chu gold medal a ni a, silver medal 5 leh bronze medal 1 dawngin tun hnaia infiamna hrang hranga Mizoram aiawha fehchhuak zingah an la hlawhtling fal hle a ni.

Mizoram State Sports Council-a Karate Medal lawmpuina huna Dy.Chief Whip Pu R.L. Pianmawia chuan vannei leh malsawmna dawng bik riaua kan hriatte hian harsa takin an hmachhawp te an hlen ve bawk thin a. Mi tupawh in a tum tlat chuan a hlawhtling mai thin a, infiamna a ni emaw, thil dangah pawh tumruhna a pawimawh nia a ngaih thu a sawi a. " Vawiinah medal 3 kan awrh a nih chuan a lehpeka medal 6 awrh thei turin kan inbuatsaih a ngai. Hniam tak atangin bul tan mah ila sang tak kan thleng thei tih hi finfiahna tur tam tak a awm reng a ni. Mizoram sawrkarin theihtawp chhuahin infiammite tan hma a la zel a, hei hi kan tawpna ni lovin kan bul tanna chauh nise ka duh takzet a ni", tiin Karateka chawimawina tangkapui awrhtute chu a fuih a ni.

Medal lawmna hun hi Pu C.Laltlanthanga, Secretary, MSSC  in kaihhruaiin Mizoram Karate team manager Lalnunhluna an championship an hmachhawn dan report a pe a a ni.

Mizoram Karateka zingah Laltanpuia chuan -55 Kg huangah gold medal  a dawn bakah weight category tina championship theuhte intum kualnaah chak berin Champion of the Champion a ni a. FVL Hmangaihzuali, Ramhlun North pawhin medal pathum a dawng a, intihsiakna hrang - Fight, Kumite leh Team inelnaah Mizoram chuan a vaiin medal 13 a dawng a ni.

Fight bika  a lawmman latu te chu :