1785/2023-2024

Aizawl, the 7th September 2023: Consul General of India, Milan, ltaly leh North East Institute of Fashion Technology (NEIFT) te tangrualin an buatsaih ‘North East India Festival’ Milan, Italyah Ni 9 Sep. 2023 hian neih a ni dawn a. He hunah hian Indian Council for Cultural Relations (ICCR), Ministry of External Affairs, Govt. of India sawm leh tirhin Mizo lam hrang hrangte, Mizo zai leh rimawite entir turin Senhri Folk & Cultural Troupe, Art & Culture Department te chuan Ni 7 Sep. 2023 zan hian India chhuahsanin Milan, Italy an pan a. Ni 13 Sep. 2023 ah India lam panin an rawn haw leh ang.

Mizoram Troupe te chauh hi he programme ah hian North East State hrang hrangte aiawha lam tura sawm an ni a. An kalna senso hi ICCR, Ministry of External Affairs, Govt. of India tum a ni. He programme a Mizo thalaite an tel theih na tura hma laksaktu Chief Minister chungah Art & Culture Department chuan lawm thu a sawi a ni.