647/2023-2024

Mamit 1st June, 2023 : Vawiin khan Pu Madhup Vyas, Mizoram Chief Electoral Officer (CEO) chuan Mamit tlawhin Mizoram Election 2023 neih tura Mamit District inbuatsaihna hrang hrangte a tlawh a. Pu V.L. Remliana District Election Officer/ District Bawrhsap, Mamit District chhung Assembly Constituency pathuma, ERO leh AERO bakah Election Officer-te a kawm.

CEO chuan kumin Election kan neih turah Elections Officials-te chu ECI duhdante lo zirchianga, mipui a tam thei ang berin vote an thlak theih dan turte leh inthlanna felfai leh thianghlim a awm theih nana theihtawpchhuah turin thawktute a fuih a, CEO hian Strong room sak thar, EVM dahna warehouse, Counting Hall tura ruahman pathumte, Polling Officials-te Dispatch leh Reception hmun turte tlawhin a endik nghal a ni.

EVM dahna warehouse endikna-ah hian Political Party hrang hrang aiawhte an tel a ni.

Vawiin meeting-ah Election Officials te'n ruahmanna an siam hunah EVM a that leh that loh endikna Political party hrang hrang aiawhte'n first level checking neih tur a ni dawn a, hetiang hi a check dan tur a ni ang. EVM kan neih zawng zawng atanga 1% -ah vawi 1200 vote thlak chhin a ni anga, 2%-ah vawi 1000 thlak chhin leh tur niin, chubakah 2% dang lehah vawi 500 thlak chhin a ni leh anga, Vote tla zat leh VVPAT -in a lo chhinchhiah zat a inmil em tih endik leh vek a nih dawn thu meeting-ah hian tarlan a ni.

Vawiin meeting-ah hian OSD to CEO, SP, Mamit DIPRO, thutharthehdarhtute bakah Political Party hrang hrang aiawhte an tel a ni.