2580/2026-2027

Dated Aizawl, the 08 October 2026: Vawiin kahn Mizoram chhung hmun hrang hranga scientific research neih dilna application lutte chungchang ngaihtuahin State Research Advisory Committee țhutkhawm vawi 6-na chu Pu Sudhir Kumar, Principal Secretary, EF&CC Dept. kaihhruaiin Chief Wildlife Warden Conference Hall, MINECO-ah neih a ni.

He hunah hian permit dil thar panga (5)te bakah research nei tura phalna hmu sa panga (5) te pawhsei dilna chungchang chu zau zawkin Dr. B. Malsawmkima, Mizoram State Biodiversity Board hnuaia Scientific Officer-in a sawifiah a. Uluk taka sawi ho a nih hnuah permit lut thar 5 leh pawhsei dilna 5-te chu Committee chuan a remtihsak a ni.

Thutkhawmnaah hian research permit chungchang bakah SRAC hmalakna hrang hrangte sawiho a ni a. research project-ten inkaihhruaina awm sa an zawm leh zawm loh te uluk zawka vil a țul thu leh a enzui dan turte an rel bawk.

SRAC-ah hian Pu Sudhir Kumar, Pr. Secy., EF&CC Dept. chu Chairman niin, MSBB-a Member Secy.ni lai mek – Pu MZ Singson chu Member Secy. a ni bawk a. Anni bakah hian sorkar dept. hrang hrang leh zirna in aiawh ațangin member 14 an awm bawk. Dr. Lalneihpuia Chhakchhuak, Sr. Scientific Officer, MSBB chuan lawmthu sawiin thutkhawm hi a titawp a ni.