1979/2023-2024

Dated Siaha the 21th September 2023: Vawiin chawhnu Dar 1:00 khan DC’s Mini Conference Room-ah Pu Madhup Vyas, IAS, Chief Electoral Officer (CEO) ho in kumin MLA inthlanpui lo awm tur a inpuahchahna leh hmachhawp hrang hrangte sawihona hun hman a ni a. He hun hi Pu Lalhmunsanga Hnamte, Deputy Commissioner, Siaha chuan a kaihruai.

Pu Madhup Vyas chuan hun chep tak kar a Siaha a rawn tlawh thei chu lawmawm a tih thu sawiin, kum in MLA inthlanpui lo awm tur chu hlawhtling taka neih a nih theih nan theihtawp chhuah a tul a ti a. Mawhphurhna nei zawng zawngten an mawhphurhna ngai pawimawh theuh turin a chah a. Mipui ten zalen leh ralmuang taka vote an thlak theih nan ruahmanna tha siam a pawimawh tak zet tih tarlangin inthlanna tibuai thei thil a chhuah loh nan mahni hna theuh tha taka thawk turin a chah. Returning Officer leh Assistant Returning Officer-ten an mawhphurhna an hriatchian theih nan ECI inkaihhruaina bu chhiar tam turin a chah nghal bawk.

Chief Electoral Officer chuan Polling Station tinah Assured Minimum Facilities (AMF) -Duty leh vote thlak turte mamawh zualpui eng chhit, tui intur, inthiarna leh kailawn te ruahman fel vek tur a nih thu sawiin heng mamawh hrang hrangte a awm ngei em tih enfiah turin Election Official- te a chah a ni. Inthlanna hlawhtling tak kalpui a nih theih nan thawhhona ṭha a pawimawh tak zet tih sawiin Pu Madhup Vyas chuan Siaha District Election Official-te thawhpuiah sawmin inthlanpui lo awm tura an inbuatsaihna kawngah duhsakna a hlan nghal.

Pu Vanlalchhuanliana, Election Officer, Siaha chuan Siaha district dinhmun, Electoral Roll ennawnna kalpui dan, Polling Station ruahman dan leh inthlanpui kalpuina tur a inpuahchahna tlangpui, Power Point Presentation hmangin a entir bawk.

District Election Official-te nena inkawmna hun an neih zawh hnuin Pu Madhup Vyas chuan EVM dahṭhatna hmun-Strong Room leh Counting Hall tura ruahman lawk endik na a neih bakah Polling Station ṭhenkhatte a hmun ah kal chilh in a endik nghal bawk a ni.