4733/2024-2025

Lawngtlai, 20th March 2025 : Vawiin khan Pu Khilli Ram Meena, IAS, Chief Secretary of Mizoram, hovin Lawngtlai District - a Head of Department ten DC Conference Hall-ah thutkhawm an nei a. Pu Cheemala Siva Gopal Reddy, IAS, Deputy Commissioner, Lawngtlai chuan thutkhawm hi a kaihruai.

Pu Khilli Ram Meena chuan kalkhawmte hnena lawmthu sawina  nei hmasain, Lawngtlai distrcit dinhmun tlangpui  endik tura lo kal a nih thu a sawi a.Inkalpawhna kawng tha tawk lo  veiawm a tih thu a tarlangin, kawng siam hnathawk leh enkawltute chu tan la thar turin a chah a. A bik takin Lawngtlai to Zorinpui kawng chu a pawimawh zual hle tiin, PWD- te chu a 'maintenance' kawngah chak zawka hmala tura chahin, mipuite nen pawh tan leh thawhho thiam a tul hle a ti. Chief Secretary chuan zirna lamah Lawngtlai district tan hmasawnna tur a tam hle tih a tarlang a.Mizoram chu za a za ziak leh chhiar thiamna State ni mai thei tura a din mek laiin, Lawngtlaia 'literacy rate' a la hniam hle chu veiawm a tih thu sawiin,zir thiamna kawngah hmasawnna atak a hmuh a nih neih theih nan Education department-  chu chak zawka hmala turin a chah a. A bik takin elementary education- ngaihpawimawh a tul zual thu a sawi.

Chief Secretary chuan Patanjali Foods Limited- ten  Lawngtlaiah oil palm extraction centre- an din thuai dawn tih sawiin,  oil palm thar chhuah lamah pawh tan lak a tul hle a ti a.Chumi atan chuan inkalpawhna kawng tha pawh a tul dawn tiin, theih ang anga hma la turin district houte a chah a.Thalaite tan 'skill development' lamah training tha tak pek a tul hle tiin,  entrepreneur- tam zawk neih a tul ati a. An thil siamchhuah ang angte  hralhna tur 'Market' ngaithuah sak kawngah district administration - te theihtawp chhuah turin a chah. Police department - te chu 'three new criminal laws' hrechiang hle tur leh a tul anga training - tha taka nei thin  turin a chah a. Free Movement Regime ( FMR) chungchang sawiin,  dan ang taka hmalak a nih theih nan BSF, Assam Rifles leh District Administration- te thawkho thiam  turin a fuih a. Pu Khilli Ram Meena, chuan Lawngtlai District - hmasawnna tura Chief Secretary Office an inhawn reng thu tarlangin, an harsatna neih ang angte thlen fo thin  turin a chah nghal bawk.

Pu Cheemala Siva Gopal Reddy, IAS, Deputy Commissioner, chuan Lawngtlai district dinhmun tlangpui, administration kalpui dan,deparment hrang hrangte hmalakna  leh  hmasawnna kawnga hmachhawp hrang hrangte tarlanna a nei a. Pu Lokeshwaran R. IPS, Superintendent of Police, Lawngtlai chuan Police Department hnathawh leh hmalakna tlangpui, dan leh thupek kenkawh leh harsatna an neih ang angte tarlanna hun a hmang bawk a ni.

Vawiin thutlhawmah hian Lawngtlai District chhunga Department hotute an tel kim tha hle a, Pi Margaret J. Vanlalremmawii, SDO(S) chuan lawmthu sawina neiin hun a khar.