417/2025-2026
30th April, 2025: Mizoram Public Service Commission chuan Mizoram Civil Services (Combined Competitive) Examinations - 2024 chu tluang takin a kalpui zo ta a. He Examination atan a dilna thehluttu zawng zawngte tan PreIiminary Examination chu Ni 27.06.2024 khan Aizawl khawpui chhung Centre hrang hrangah leh District Headquarters zawng zawngah buatsaih a ni. Tun tumah hian Applicant 5854 awmin, Preliminary Examinations paltlang a, Main Examination hmachhawn thei chin hi an vaiin mi 346 an ni a, chung zinga mi 344 te chu unreserved candidate niin, Reserved Candidate (PwBD) mi 2 an awm a ni.
Preliminary Examination paltlang mi 346 atangin mi 319 ten Ni 22-25 October, 2024 chhung khan MPSC Examination Hall-ah leh Govt. Higher Secondary School, Lungleiah Main Examination hi an nei a ni.
A hnuaia mi ang hi Post hrang hrang awm dan a ni:
MCS - 14+1 (PwBD)
MPS - 8
MF&AS - 8
MIS - 3
Total - 33+1= 34
Dt 28th March, 2025 khan Main Examination Written Results tihchhuah a ni a, MPSC Guidelines hman mek angin Personal Interview (Pl) nei thei tur hian mi 68 (66+2) an tling a. Personal Interview hi Ni 22.04.2025--30.04.2025 chhungin buatsaih a niin candidate mi 68 te chu he Interview hmachhawn tura koh an ni a, an vaiin an rawn inlan vek a ni. Vawiin Ni 30.04.2025(Nilai ni) hian Personal Interview zawh a ni a, result chu tihchhuah nghal a ni. Mi 34- te chu tlinga puan an ni ta a ni.
Final Result of the Mizoram Civil Services (Combined Competitive) Examination, 2024.pdf
