Vawiin chawhma dar 11:00Am khan DC Conference Room-ah Pu K. Vanlalthiana, Additional Deputy Commissioner leh Chairman, District Level Committee on Cleanliness nibawk kaihruaina hnuaiah "Mizoram Cleanliness Competition, 2019" atana Siaha District lo inbuatsaih dan tur leh hmalak dan turte ngaituahin District Level Committee on Cleanliness member te an thukhawm.

District Level Committee on Cleanliness chuan Mizoram pum huap Faina lama intihsiakna ah Siaha District in pakhatna dinhmun kan hauh ngei thei nan kawng hrang hrang a hmalak danturte duangin, Village Level-ah VC te chuan hnatlang kovin, an area chhung theuh ah faina hnatlang huaihawt nise. Office, School, Restaurant leh Anganwadi Centre tinte chu faina lama inelna buatsaih sak ni bawk se. Tin, Siaha District chhunga Department hrang hrangte hnenah ngenna siam nise, an remchanna zawnah theuh hma lo la se,  Hnatlang runpui neih hunah LAD, MADC leh PWD ten Bawlhlawh paina tur Motor lo ngaituahsak turin ngen nibawk se tite rel a ni.

Siaha District mipuiten faina lama hma kan sawn zel thei nan leh faina kawnga thahnem kan lo ngai lehzual thei nan Talk Show te buatsaih nise, NSV leh HSV Local TV atangte a Live a pek nibawk rawh se tiin vawiin meeting chuan a rel bawk a ni.

Vawiin meeting chuan Siaha District huam chhung a bikin Siaha town area a Ui (Dog) thlah zalen lutuk chu a ngaimawhawm hle nia hriain, Ui khuakhirhna chungchang bik hi LAD, MADC leh Siaha Town Joint VC ten lo ngaituah se, a rang lama hma la nghal turin vawiin meeting chuan a rel bawk a ni.

Mizoram Cleanliness Competion, 2019 a tehna hrang hrang heng - Open Defecation Free; Solid Waste Management; Information Education & Communication; Community Participation; Cleaning of Drains, Rivers & Streams; Activities on Environmental Conservation, innovation & Best Practices leh Public Feedback hmangte a teh a ni dawn a ni.

Siaha District mipuite chu he Mizoram Cleanliness Competion, 2019 a pakhatna dinhmun kan hauh ngei theina turin kan theina zawn theuh a hma lo la ve theuh turin District Level Committee on Cleanliness chuan a ngenin a sawm bawk a ni.