No.3176/2021-2022

26th November, 2021: Union Home Minister Pu Amit Shah hovin Mizoram Chief Minister Pu Zoramthanga leh Assam Chief Minister Pu Himanta Biswa Sarma chu vawiin tlai dar 5:00 khan Union Home Minister chenna inah an inkawm.

He an inkawm naah hian thildang tam tak an sawi zingah ramri chungchang sawi telin, dawhkan khat kîl a, harsatna leh buaina tello a sawifel ngei ni se an ti a. CM leh CM level ah a ni emaw, state pahnih ten delegation team insiam ve ve emaw pawhin state pahnihte hi inbiak ni thin se, an ti a. Boruak tha thei ang ber siam ni se an ti a ni.

Chief Minister Pu Zoramthanga chuan vawiin tlai khan Foreign Secretary of India Pu Harsh Vardhan Shringla leh Pi Smita Pant (i/c India's ties with Bangladesh-Myanmar) te nen Mizoram House Chanakyapuri ah inkawmna hun an nei bawk a. Myanmar rambuai avanga raltlan te tan India sawrkar beng an nih ang an en san theih loh thu leh, țanpuina an mamawhzia a hrilh a. Mizoram sawrkar chuan an tan theihtawp a chhuah zel dawn thu a hrilh bawk.