No.3175/2021-2022
Aizawl 26th November 2021: MP(LS)Pu C.Lalrosanga chu vawiin khan New Delhi-a Standing Committee on Coal and Steel ṭhutkhawmnaah telin, lungalhthei khura fimkhur leh hnathawkte himna ngaih pawimawh a ṭulzia a sawi a. Kumina lungalhthei khura vawi hnih chetsualna a thlenna Meghalaya a lungalhthei laihchhuah phalna pekchhuah chungchangah Coal and Steel Parliamentary Committee member chuan hnathawkte himna lam ngai pawimawh turin state sawrkar leh sawrkar laipui, a bikin Director General, Mines Safety a ngen a. Phalna nei lo leh tunlai thiamna leh himna dante zawm lova lungalhthei khura hnathawh, National Green Tribunal-in a khap ang ngeia hma la turin sawrkar chu a ngen bawk a ni.

Coal and Steel Standing Committee hi an chairman Pu Rakesh Singh a hovin an ṭhukhawm a. Sawrkar laipui hotute bakah lungalhthei laichhuaktu company lian hotute an tel a ni.