441/2025-2026

Dated Aizawl: the 2nd May, 2025 : Vawiin khan Mizoram Cooperative Apex Bank Ltd. Board Meeting chu neih a ni a. Mimal leh Biak In Loan hrang hrang sanctioned anih bakah Bank hmachhawp hrang hrangte rel a ni.

Board Meeting ah hian Kohhran hrang hrang Biak In sakna loan dilna 74, a vaiin cheng nuai 2370 leh mimal loan dilna hrang hrang 67, avaiin cheng nuai 959-te chu pek remtih a ni a. Mimal loan dilna hrang hrang te hi Agriculture, Industry, Business, Society leh Handholding hnuai ami te an ni.

Mizoram hmun kil khawr, Bank dah remchan lohna hmuna Bank aiawha dawr theih turin Banking Correspondent (BC) 44 leh khawpui chhunga cheng, Bank kal remchang lo te’n a pung awma sum an khawl theihna tur, kawtkai maia pawisa lam tur – Pigmy Collector mi 21 an la thar bawk a. Banking Correspondent leh Pigmy Collector te hi Bank nena inthlunzawmna khawl – Handheld Device pek nghal an ni.

Board Meeting hi Pu Lalnunsanga Chairman in a kaihruai a, Mizo Bank an nih anga Mizo mipui te tana thawk tura inzar pharh zel an tum thu sawiin Branch pawh khawpui leh thingtlang lama hawn belh zel an tum thu a sawi bawk a ni.

Apex Bank hian Branch 31 leh ATM Booth 39 bakah Mobile ATM 2 an nei mek a. Deposit cheng vaibelchhe 1685 atangin Loan cheng vaibelchhe 1222 an pechhuak mek a ni.