1763/2023-2024

Mizoram DGP Anil Shukla, IPS chuan vawiin khan Champhai District a tlawh a. Police station hrang hrangte a enfiah bakah khawtlang hruaitute inkhawmna a neihpui.

Champhai Police Station-a khawtlang hruaitute nena inkawmhona an neihah DGP Anil Shukla chuan Police chu sorkar leh mipuite thlunzawmtu pawimawh tak a nih angin, khawtlang hruaitute nena thawhhona a pawimawh hle a. Champhai District-ah Police leh khawtlang thawhhona tha tak a awm chu lawmawm a tih thu a sawi a.

Manipur leh Myanmar buaina te karah Champhai District ralmuang tak a awm chhunzawm thei chu lawmawm hle a ni, a ti a. Chutih rualin Champhai District-in harsatna a tawh lian tak - ruihhlo tawlhna chu ngaih pawimawh zual a tul hle a. Hei hian kan fate leh nakin thlenga khawtlang hmelhmang tidanglam thei tur a nih avangin ruihhlo do kawngah tanho a, tanlak chhunzawm zel a tul, a ti a. Champhai District-a Police te indaih lohna pawh sukiang turin Police dah belh a nih tur thu a sawi tel bawk.

He hunah hian khawtlang hruaitute chuan police indaih lohna chungchang te, dan kenkawh kawnga thawhhona tur leh hmasawnna tur nia an hriat hrang hrangte DGP hnenah hia nan thlen a. DGP hian a tul anga lo bawhzui a tum thu a hrilh a ni.

Mizoram DGP Anil Shukla hian SP Office-ah Assam Rifles, RAW leh SIB te inkawmna a neihpui bakah Zokhawthar Police Station leh Checkgate te a tlawh nghal bawk a. Zaninah Champhaiah riakin naktuk hian Khawzawl a tlawh leh dawn a ni.

DGP hi DIG (Eastern Range) Pu Thomas Zodingliana IPS chuan a rawn tawiawm a ni.

Khawtlang hruaituten Police indaih lohna chungchang te, dan kenkawh kawnga hmasawn ngaihna hrang hrangte DGP hnenah hian an thlen nghal a ni.