1783/2023-2024

Dated Saitual the 7th September 2023 : Vawiin khan Mizoram DGP Anil Shukla, IPS chuan Saitual District Police a tlawh.

Saitual-a a cham chhung hian DGP Pu Anil Shukla chuan police-te hnathawh dan enfiah leh ngaihthlak na hun a nei a, Saitual Police te hmalakna chu lawmawm a tih thu sawiin, an hnathawh tha te chu chhunzawm zel turin a chah. DGP chuan thuthar lakhawmtu te kawm in tun hnaia District hrang hrang a Police te a tlawh chhan bulpui pathum a sawi a, chungte chu:

1. Ruihhlo tawlhruk leh hman sual chungchang do na tur a police te chak zawk a hma an lak theih nan a district tin te a hmun ngeia va tlawh chhuah.

2. Inthlanpui lo awm tur atana District Police te inpuahchah na chungchang enfiah leh

3. District Police te kalphung leh hmanrua te endik leh an mamawh hriatchian te an ni.

DGP Anil Shukla hian Saitual police station leh Superintendent of Police (SP) office te a tlawh a, tun dinhmun a an hmanraw neih leh an hnathawh dan tlangpui a enfiah nghal a ni. SP conference room-a Police staff te nen a inkawmkhawmna buatsaih ah an harsatna leh an ngaih pawimawh zawng te a ngaithla a, a theih angin hma lo lakpui a tum thu a sawi bawk. He hun ah hian DGP chuan Duty leh discipline pawimawhzia sawiin Police te chu invawng tak anni tur a ni, a ti. Mizoram a Police tamtak an service laia an thi thin chu pawi a tih thu sawiin police te chu an hriselna ngai pawimawh hle turin a chah a, SP hnenah thawktute tan medical check-up ruahman turin a hrilh bawk. Police kalkhawmte hnenah chuan ruihhlo dona kawngah theihtawp a hma la turin a chah a, lirthei accident a tlem na turin road safety chungchang ah hmalakna khauh tak neih a tul thu a sawi bawk a ni.

Saitual SP Pu Pukhraj Kamal, IPS chuan power point presentation pe in Saitual district-ah police sub-division pakhat leh police station pahnih a awm tih tarlang a. Tun dinhmun ah police 80 an awm mek a, amaherawhchu sanctioned strength chu 141 a ni. Saitual-a case tlanglawn zual te chu rukruk, MLP Act bawhchhiatna, Protection of Children from Sexual Offences (POCSO) Act chungchang leh ruihhlo kaihhnawih te an ni.

DGP Shukla hi  DIG Pu Thomas Zodingliana leh Aizawl aṭanga police official dangte'n an rawn tawiawm a. Tun hnai ah Pu Anil Shukla hian Champhai leh Khawzawl tlawh tawh in District dang te pawh tlawh turin ruahmanna a siam a ni.