Mizoramah a vawi khatna turin Fisheries Department chuan ‘Mizoram Fish Festival 2017’ chu February 8 - 10, 2017 hian a buatsaih dawn.

Hawnna inkhawm hi ni 8.2.2017 chawhma dar 11 : 00 ah Vanapa Hall ah Chief Minister, Pu Lal Thanhawla chuan khuallian niin a hawng ang.

He hawnna inkhawm hi Dr. BD Chakma, Fisheries Department changtu Minister chuan a kaihruai ang a, Pu R. Lalzirliana, Minister of Home leh NLUP Nodal Minister ni bawk chuan thu a sawi anga, hemi ni hian Mizoram Sangha zawrhna engemaw zat siam a ni dawn a, a duh apiang tan lei theih a ni ang.

Ni 9.2.2017 hian Fish Festival chungchangah Symposium DI & PR Conference Hall ah neih a ni ang a, Sangha vulh chungchanga mithiam Mizoram pawn lam atanga lo kal ten Sangha khawitute tana thil tangkai tak tak an sawi dawn a ni.

Ni 10.2.2017 ah Mizoram, Fish Festival 2017 puala inkhawm Transport Department building thar, Temple Square ah Pu Thlamuana, Secretary, Fisheries Department kaihhruaina in a awm ang a, Dr. BD Chakma chu khuallian niin, Pu S.P Singh, Director of Fisheries Department pawhin thu a sawi dawn a ni.