Vawiin chawhma dar 9:30AM khan  District Playground, Siaha Vaihpi-ah  District Level Road Safety Committee (DLRSC) huaihawtin 28^th Road Safety Week (6^th -13^th Feb)  hawnna inkhawm neih a ni. He Road Safety hawnna inkhawm hi Pu N.Vabeiratlua, I&PRO in a kaihruaia, Pi Harleen Kaur IAS, District Bawrhsap leh Chairman, DLRSC ni bawk chu khuallian  a ni. Kumin  Siaha District-a  Road Safety  Week thupui  atan  “Wear Helmet, Ride Safely” ( Helmet khum la, khal him ang che)   tih hman a ni. 

Vawiin programme-a khuallian Pi Harleen-i chuan thu sawiin, kan kawngpui te hi hmasawnna, changkanna leh nun awlsamna min thlentu tura kan sial te a ni a. Mahse Traffic rules te kan ngaihpawimawh tawk thin lohna leh  kan fimkhur tawk thin lohna hian kan nunna suattu leh Piansualna min thlentu-ah kan chantir leh thin a ni, a ti a.    Siaha District Lirthei khalhtute, mipui te leh sawrkar hi kan tan ho tlat chuan   kan District hi Traffic rules zawm tha ber leh Lirthei chetsual  awm lo na emaw, tlem berna emaw-ah kan siam thei a ni, a ti bawk. 

28^th Road Safety Week pual hian Maxi Cab (Sumo), Taxi, Auto Rickshaw leh Sawrkar  Lirthei  khalhtu thazual   te hnenah Rs. 1000 leh Chawimawina thuziak pek theuh an ni. 

Gov’t Best Driver lawmman la tu chu  Pu C.Hminghlua  S/o   Pu C. Sangcheuva-a, MADC Driver a ni a, Maxi  Cab Driver tha ber chu-Pu Lallawma s/o Lalduha New Siaha a ni. 

Taxi Driver tha ber- Lalruatsanga S/o Zosapliana, Council Vaih leh Auto Rickshaw Driver tha ber- Pu Lalhriatpuia S/0 Lalzama(L), New Siaha West te an ni. 

 Road Safety pual hian Higher Secondary School naupang ten “ Nunna suattu: Lirtheia Chetsualna” tih thupui hmangin Essay inziahsiakna an nei a. 1-na in Rs 2000, 2-na in Rs. 1500, 3-na in Rs. 1000 bakah Consolation Prize latu naupang 3 te hnenah Chawimawina thuziak leh Rs. 500 theuh pek an ni bawk. Essay inziahsiakna-a lawmman la tute chu: First Prize – Dorcus Lilyparmawii ClassXII(Sc) GHSS,  Second Prize- LC. Pakhaisa Cl-XII(Sc), GHSS leh 3^rd  Prize- K.Vanlalruatdika Cl-XI( Sc) GHSS te an ni. 

Vawiin programme hmanna-ah hian Pu MH.James DTO leh Secretary, DLRSC ni bawk chuan Transport Department leh DLRSC hmalakna te report a pe a, Pu Francis L. Ralte, Addl.SP in Traffic Rules  chungchangah thusawina hun a hmang bawk.Pu C.Lalawmpuia, MVI in Helmet pholanna hun a hmang a, Pu Lalnghinglova, EE,PWD in lawmthu sawina in vawiin programme hi a khar ta a ni.