Vawiin chawhma dar 11:30Am khan MADC Forest Hall-ah Fire Prevention Week hawnna inkhawm tawi neih a ni. He hun hi Pi Harleen Kaur IAS, District Bawrhsap leh Chairman, District Fire Prevention Committee ni bawk chuan a kaihruaia, Pu RT Zachono CEM, MADC chu khuallian a ni.

He Fire Prevention Week (6th-13th, Feb) hawnna inkhawm-ah hian khuallian Pu RT Zachono chuan thu sawiin, Oxygen tel lo chuan mihring hi a nun thei lo va, ramngaw a awm loh chuan oxygen hi a awm thei lo a ni. Nunna nei theuh theuh heng ramsa leh sava, thing leh mau leh mihring te hi inngheng tawna nung tur, nunna nei pakhatin a nunna nei tho hi a tih mang leh tih chereuh tura duan kan ni lova, chu mi khuarel dan bawhchhia , ramsa leh sava leh kan ramngaw te kan tih mang a, kan ti chereu vek chuan a tuartu tur chu kei mahni bawk kan ni ang. Ramngaw te hian hmelma pahnih chiah an nei a, chu chu mei leh mihring te hi kan ni a. kangmei chhuak tam zawk hi mihringin kan siamchhuah a la ni zui bawk a ni, a ti.Nipui kan thleng thuai dawn a, kangmei laka mitin fimkhur I la, kan in leh lo, kan ramngaw te kangmei laka a him leh him lo hi mitin mawhphurna theuh a ni, a ti bawk.

He Fire Prevention Week hawnna inkhawm hi Pu Thaly T.Azyu, DCF MADC in lawmthu sawina in a khar a ni.