69/2025-2026

Aizawl dated 7th April, 2025: Directorate of Forensic Science Laboratory, Mizoram leh National Forensic Sciences University, Gujarat-te chuan thawhhona tur thuthlung, Memorandum of Understanding chu ni 3 April, 2025 khan an sign a. He MoU hi Pu T. Lalropuia, Director FSL leh Prof. Dr. Naveen Chaudhari, Campus Director ten NFSU, Gujarat ah sign in, FSL aṭangin Joint Director leh Deputy Director bakah NFSU atangin Dean leh Associate Dean mi 11 te chu hriatpuituah an ṭang a ni.

NFSU hi kum 2009 ah din a ni a, October 2020 ah ram tana zirna in pawimawh dinhmun pek leh Central University ah hlan kai niin India Sawrkarin Centre of Excellence-ah a puang tawh a ni. Mizoram Forensic Science Laboratory thawktute tarlan danin NFSU hi Forensic Sciences University hmasa ber niin thawhhona thuthlung hi International-ah 102 leh National-ah 147 a nei tawh a, chung zingah Mizoram Forensic Science Laboratory a tel ve hi Mizoram tan pawh hmasawnna rahbi pawimawh tak a ni.

He MoU ah hian Mizoram Forensic Science Laboratory in kawng hrang hranga hma a sawn theihna tur duan niin, hmaraw la neih loh khawl ṭha mamawh angte an hmanpui thei ang a, case exam theih lohte a ṭul angin thawn theih a ni bawk dawn a ni. 

Mizoram FSL a lo changtlun lehzual theihna turin Technical support, Joint Research Project, Infrastructural Development leh Special Training Programme te NFSU hian Mizoram FSL te mamawh angin a pe thin dawn a ni.