Mizoram Government Drivers’ Association (MGDA) General Conference Vawi 28 na chu Dawrpui Multipurpose Hall-ah vawiin khan neih a ni a, Deputy Chief Minister Pu Tawiluia chu Khuallian a ni.

Khuallian Pu Tawnluia chuan thu sawiin, Mizoram Government Drivers’ Association ten hun tha siamsaka, Khuallian a sawm a nih chu lawm awm, a ti a. MGDA Member zawng zawngte hnenah kum thar Chibai a buk bawk a ni. Deputy Chief Minister chuan sawrkar driver te dinhmun pawh sawrkar in a hriatpui a, driver te tello chuan sawrkar hnathawk tam tak ten hna an thawh tur angin an thawk theilo a, sawrkar department hrang hrangah motor enkawl piah lamah sawrkar hnathawk te, an thawhna hmuna hun bi dik tak vawng chunga motor a phurtu an ni, a ti a. Motor a chuangte nunna pawh driver te kutah thui tak a innghat a, dinhmun pawimawh tak chelhtute an ni a, sawrkar motor khalh tu driver te fimkhur na a zarah sawrkar motor accident pawh private motor aiin a tlem zawk a ni, a ti a. Khuallian chuan driver te hnathawh chu sawrkar hna peng pakhat pawimawh tak a ni, tiin a sawi a. Hnathawk te dinhmun hrechianga, theihtawp chhuah turin sawrkar chuan tan a la zel a ni, tiin a sawi bawk a ni. Sawrkar driver te chu hawihawmna leh bengvarna chhawm nung zelturin a ngenin a chah bawk a ni.

Khuallian Pu Tawiluia hian hruaitu hlun chawimawina Pu Lalrosanga hnenah a hlan nghal bawk a ni.

MGDA Conference hi chawhma leh chawhnu session a then a ni a, chawhma session ah hian Kum 2018-2019 chunga MGDA member 33 chatuan ram pansan tate sunna hun an nei a, chawhnu session ah hian rorel leh Kum 2020-2022 chhunga hruaitu inthlanna an nei dawn a ni.

Mizoram Government Drivers’ Association hi 4th September, 1964 khan din a ni a, Secretariat Annex Building 1 Room 1 &2 Ground Floor ah office 8th August, 2019 khan an luah a ni.