3979/2024-2025

26^th January,2025 at AR Ground:  UD&PA Department – Swachh Bharat Mission (Urban) hnuaia kum 2017 atanga kum tina buatsaih thin Mizoram Khawpui Fai Inelna 2024 lawmman chu Mizorama Republic Day lawmna pui ber Aizawl Sipai Lammualah Mizoram Governor General Vijay Kumar Singh chuan a sem.

Mizoram Khawpui Fai Inelna-ah hian Mizoram chhunga Notified Towns 28-te Faina leh Thianghlimna kawngh an inel a, kuminah hian Mizoram khawpuite Category-IA-ah AMC huamchhunga Local Council 85 te in el in, Category IB-ah LMC huamchhunga Local Council 24 te an in el a. Category-II (District Headquarters) ah Aizawl leh Lunglei tiam lohvin District Headquarters 9 in el in, Category-III (Urban Towns)-ah Urban Towns 17 te an in el bawk a ni. Kumin Republic Day hian Category-II & III lawmman sem hmasak niin, Local Council Inelna (Category IA leh IB) hi March thla lama sem tura ruahman a ni. Khawpui Fai Inelna endiktu tur hian atan Sawrkarin Panel of Judges ruatin, December, 2024 chhungin endikna kalpui a ni.

Mizoram Cleanliness Competition 2024 Lawmman lak dan chu hetiang hi a ni:- 

Category-II (District Headquarters):A

• 1^st Prize-– Saitual - Rs. 1,00,000 with Certificate
• 2^nd Prize- Siaha– Rs. 80,000 with Certificate
• 3^rd Prize- Serchhip - Rs. 50,000 with Certificate 

Category-III (Other Urban Towns):

• 1^st Prize- – Phullen - Rs. 1,00,000 with Certificate
• 2^nd Prize- – Tlabung- Rs. 80,000 with Certificate
• 3^rd Prize- Biate – Rs. 50,000 with Certificate

Mizoram Khawpui Fai Inelna hi Mizoram Khawpui ten Faina leh Thianghlimna kawnga inelna thianghlim an neih theih nana buatsaih anih bakah kum tina Ministry of Housing & Urban Affairs in a kalpui thin India ram khawpui fai endikna- Swachh Survekshan atana Mizoram khawpuite inbuatsaih lawk theihna tura duan a ni.

Mizoram khawpuiten Faina leh Thianghlimna kawngah hma an sawn tawh tlangpui avangin endikna tehfung te pawh kum tinin a huamzau zawka her rem hret hret a ni thin a. Mizorama Khawpuite lang theia an Fai mai piah lamah 2023-24 chhunga an hmalaknaah te endik an ni a. Bawlhhlawh thliar hran leh sawngbawl kawnga hma la tha te, Hman khat daih – single use plastic tihremna kawnga hmalakna tha te, Faina kawnga Sawrkar department hrang hrang, NGO hrang hrang leh mipui thawhhona tha te kuminah endik tel a ni a. Hei bakah hian Environment humhimna kawnga Sawrkar, khawtlang leh mimal anga hmalakna te pawh endikna tehfung lian tak a ni.

Mizoram Khawpui Fai Inelna 2025 hi April 2025 a tan leh tura inbuatsaihna kalpui a ni a, Aizawl leh Mizoram khawpui hrang hrangah Faina leh bawlhhlawh sawngbawl kawnga mipuite tanrual a pawimawh dawn hle a ni. 

RANKING OF DISTRICT HEADQUARTERS (CATEGORY-II)

RANKING OF URBAN TOWNS (CATEGORY-III)