Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chuan zirlai naupang High School Leaving Certificate (HSLC) Exam 2018 pass zawng zawng te chu thinlung takin a lawmpui thu a sawi a. An thawrimna avanga  hlawhtlingna nei an ni tiin, an nu leh pa te leh an zirtitute thahnem ngaihna chuan fak an phu a ni, a ti. Zirlaite chu an kal zelna turah duhsakna a hlan a, chutih rualin Mizoram Board of School Education (MBSE) hmalakna a fak a ni. 

Governor chuan kum 1978 hnua HSLC-a pass percentage record tha ber 76.65% chu chhuanawm a tih thu a sawi a. Zirlai naupang la exam leh zel turte tana entawn tur a nih thu a sawi a ni. Tunkum exam-a vanduaithlak taka hlawhtling lo te chu beidawng mai lo a, mahni in fuih thar a, rim taka thawk mai nilovin, fing (smart) zawka bul tan a zir turin a chah a ni.