Mizoram Governor chuan Myanmar palaite chu Mizoram an rawn tlawh theih avangin lawmawm a tih thu a hrilh a, India leh Myanmar inkara inlaichinna tha leh thawhhona tha tak siam turin tanlak dun a ngai a ni, a ti. Mizoram chhimlam kaltlang tur Multi Modal Project peihfel mek chuan nasa takin helai bial hi a tihmasawn a beisei thu sawiin Larsap chuan India leh Southeast Asia ramte indawr tawnna kawngpui ni mai lovin sumdawnna hmunpuiah siam i tum ang u, a ti bawk. Inkalpawhna piah lamah inbiakpawhna, hriselna leh zirna lamah pawh inpui tawn thei kan ni tiin Governor chuan ram pahnihte inkar boruak siamtha lehzual turin tawng inhriatthiam tawn a ngai a, chumi atan chuan tanlak a tul bawk a ni, a ti.

Myanmar MP Pu Oo Hla Saw chuan an ram lama Multi Modal Project chu zawhfel a nih tep thu Governor chu hrilhin tuna Myanmar-a bungrua lut tam zawk chu China atanga a ni a, he kawng hman a nih theih hunah chuan India siam bungrua tha tam takte pawh an ramah hralh a tlak a rin bakah Southeast Asia ram dangte nen insumdawn tawnna nasa takin a thang dawn a ni, a ti.

Myanmar palaite leh anmahni rawn tawiawmtute chu :

1. Oo Hla Saw, MP, Arakan National Party

2. Lama Naw Awng, MP, Kachin State Democracy Party 

3. Nyi Sein, MP, Ta’ang (Palaung) Nationalist Party

4. Sai Naunt, MP, Shan Nationalities Democratic Party

5. Nai Thiha, MP, Mon Nationalist Party

6. Saw Daniel, Party Chairman, Kayah Unity Democracy Party (KUDP)

7. Mahn Aung Pyi Soe, Phalon-Sawa Democratic Party

8. Ceu Bik Thawng, Chin National Democratic Party

9. Duh Hu Thang, Chin National Democratic Party

10. Dr. Joyeeta Bhattacharjee, Fellow ORF

11. Dr. K.Yhome, Fellow ORF

12. Penchala Raju, Second Secreatry, Myanmar Embassy (Interpreter)