Vawiin tlai ah khan Raj Bhavan ah Mizoram Governor Lt Gen Nirbhay Sharma (Retd.) leh  Union Minister of State For Railways Pu Rajen Gohain  te chuan Mizoram chhunga rel kawng phah mek chungchang sawiin  an inkawm.

Mizoram Governor Lt Gen Nirbhay  Sharma (Retd.) chuan a inleng, Union Minister of State for Railways Pu Rajen Gohain chu Mizoram a rawn tlawh chhan te lo zawt hmasa in Mizoram tan Rel kawng a pawimawh zual bik thu leh tuna Bairabi leh Sairang inkar, relkawng phah mek pawh siam zawh hmanhmawh a tul thu a lo hrilh a. Bairabi leh Sairang inkar bakah Sairang atanga Mizoram chhim lam thlenga rel kawng phah a nih theih nan Railway Minister hi Governor chuan thawhpui ah a sawm a. Railway Minister chu Mizoram chhunga relkawng phah a nih avanga lawmthu hrilh in Governor chuan relkawng zul in National Highways pawh siam belh a tul nia a hriat thu an inkawmna ah hian a sawi chhuak a ni. Railway station sak a nih hunah ramngaw ti chereu lo zawnga hmalak ni se tih Mizo mipui in duh an a ti a.  Railway station awmna hmunah te Hospital leh Sikul that e din tel ni se tualchhung mi te pawh in an hlawkpui tur thu a tarlang a.  Rel kawng siam hnathawktu railway official te chu Mizoram rel kawng an siam chhunga hmun dang sawn an nih loh nan Railways Minister hi a ngen a. Thuneihna sang zawk kengkawh thei Railway office pawh Aizawl ah emaw Sairang ah emaw din ve ni se hnathawh a chak zawk dawn nia a hriat thu  sawiin Mizoram tan theih tawp chhuah tur in Governor chuan Railway Minister a sawm a ni.

Railway Minister Pu Rajen Gohain pawh in hmarchhak bial tih hmasawn a nih theih nan sawrkar laipui in theih tawp a chhuah thu leh Mizoram chhunga rel kawng siam mek pawh  uluk tak a vil a nih thu a tar lang a. Governor nen an inkawmna ah hian Mizoram a rel kawng phah mek enkawltu, Railways hotu te pawh an hmalakna te chak taka kalpui tur in a hriattir a.  Railway Officil te chu an hnuaia  contractor te vil tha tur leh contractor zawng zawng te pawh a rual a hna  thawhtir tur in a chah a ni.