Mizoram Governor thar tur Pu P.S Shreedharan Pillai chu November ni 5, 2019 chawhma dar 11:30 - ah Raj Bhavan Lawn-ah rinawmna thu tiam tira lakluh a ni dawn.

Hemi chungchang ngaihtuah hian nimin khan Chief Secretary, Pu Lalnunmawia Chuaungo, IAS hovin Secretariat-ah mipawimawhte an thukhawm a, November, ni 4-a Pu Pillai-a Lengpui a lo hmuah dan tur leh amah zuitute lo thlen dan turte ngaihtuah a ni a, Governor hi a chhungte leh thiantha mi 50 velin an rawn zui dawn avangin Durbar Hall-ah function nei lova, mipui tam zawk lenna tur Lawn-a neih meeting hian a rel a ni.