Nimin khan Mizoram Youth Commission Office-ah Dr Vanlaltanpuia, Chairman, MYC leh Pu Tomio Isogai, National Skill Development Corporation Consultant(NSDC) te chuan Mizo thalaite Japan ramah lehkhazir leh hnathawka tam zawk  an inzar pharh theihna dan tur chungchang an sawi dun.

He hunah hian Mizoram Youth Commission kal tlanga Mizo thalai thiam thil nei tha tak takten ram chhung leh pawnah hna tha zawk an hmuh theih nana thalaite chher hriam chu MYC chuan a tum ber a nih thu MYC Chairman chuan a sawi a. Japan-ah te thleng pawh pawh Mizo thalaite tam zawk an luh a, Zofate huang kan zauh zel theih nan thawhhona awm se tih chu an thil ngaih pawimawh zinga mi a ni a ti.

Tomio Isogai hi Pu Kazuko Barisic, Japanese Skill Trainer leh Pu Rajeev Gupta, Founder, BITS PILANI te chuan an rawn tawiawm a. NSDC official te chuan an hmachhawp hrang hrang leh Mizoram thalai te tana tangkai tur nia an ngaih thil hrang hrang te an sawi a. Mizo thalaite hmakhua ngaia Mizoram Sorkar-in MYC kaltlanga  ke a penna hrang hrang te chu ngaihsanawm an tih thu an sawi a ni.

He inkawm honaah hian MZU Incubation Centre atangin Dr. Laldinliana Varte, Director, Pu K.C.Zorammawia C.E.O leh Pu Albert Lalhmingsanga, Manager te chuan  Palaite hi an rawn  tawiawm a ni.