Vawiin khan Dr Lalrozama, IAS Chairman District Level Steering Committee on SPC/District Bawrhsap ni bawk  hovin a Office Chamber-ah Student Police Cadet Programme chungchang ngaihtuaha thutkhawm a ni.

Meeting-ah hian Student Police Cadet mi 44 leh Cadet Police Officer pahnih leh Asst Police Cadet Officer pahnih te mamawh lei nan Budget SP Office in ruahmanna a siam chu enfel niin pawm a ni a. State Nodal Officer-ah pawmpui tura thawn chhoh thuai nise tih a ni. Mamit District Student Police Cadet hmalakna atana budget siam hi Rs 4,93,720/- (nuaili singkua sangthum zasarih sawmhnih) a ni. Heng hi Uniform leh training leh activities atan hman tura ruahman a ni.

Meeting-ah hian SPC guideline in a sawi angin target Student hi Class VIII leh IX Student tur an nih angin Govt Middle School II leh Govt High School Mamit- a zirlai naupang 22 ve ve bakah zirtirtu pahnih ve ve thlanchhuah an ni a. SPC Unit pakhat angin an kal dawn a ni.

SPC indoor leh outdoor activities hrang hrang sawiho niin thlanchhuah a ni a. CPO leh ACPO ten an activities an chhinchhiah fel dan tur Activities Dairy enkawl dan tur sawiho a ni bawk. Mamit DEF OC chu SPC Liaison Officer a nih angin activities Dairy hi report felfai taka pek thin tura ruahman a ni a. Cadet Police Officer te Uniform tur pawh ngaihtuah nghal niin Police Officer te'n an Arsi bel ang zulzuia siam nise tih a ni bawk.

SPC hi zirlai naupangte'n an zirlai tibahlah lova, An zirlai mai bakah engkawngah pawh mi hmantlak nitura chherchhuah chu a tum ber a ni.

Meeting-ah hian Addl SP, SDPO, DIPRO,  DEO, OC Mamit, Govt High School leh Govt Middle School Headmaster bakah CPO leh ACPO-te an tel a ni.