Vawiin chawhma khan Mizoram Govt. Adhoc Aided High School Teachers Association Lunglei Distric Conference vawi 3-na chu Sub Hqrs YMA Conference Hall, Lunglei ah neih a ni a. Pu Joseph Lalhimpuia Parliamentary Secretary i/c School Education chu khuallian ni in Pu Lalramthianghlima DEO, Lunglei chu Khual Zahawm a ni.

Pu David Lalmuanzuala Asst. Secretary, MIGAHTA Lunglei District Committee chuan inkhawm kaihruai in khuallian Pu Joseph Lalhimpuia chuan thu sawiin kan Chief Minister kaihhruaina hnuai ah kan Education Minister hmalakna in Education Foundation kan siam rem mek zel a, School Education Department Pawhin hmasawnna tam tak kan hmu a, tun session thar ah pawh pawl 5 chin hnuailam te zirlaibu a thlawn a pek vek an nih thu a sawi a, zirtirtu lak dan ah pawh recruitment rules pawh siamthat ani a High School bik ah subject teacher maths leh science ah 30% dah ani.Tun hnai a zirtirtu 102 lak ah pawh zirtirtu 34 chu maths leh science zirtirtu atan lak an ni a, school leh hostel pawh duh duh a din theih ani thei tawh dawn lova guide line fel tak siam ani a a din duh te chuan sawrkar ah phalna an dil anga sawrkar in a endik hnu ah chauh phalna pek an ni tawh ang a ti ani.Board Exam ah pawh private candidate neih phal tawh loh a nih thu a sawi bawk.Pu Mahima chuan school thenkhat school naupang nei mumal lo an awm thin avang in school thenkhat te chu suihfin dan Amalgamation Rules pawh a tak a kalpui mek zel a nih thu a sawi. Kum 2014 atang khan zirtirtute hlawh pawh finacial year march-april hlawh pawh budget ah kan nei tawh.

Mizoram ah hian Adhoc aided school 129 awm in zirtirtu 903 an awm a, sawrkar na kan chan hnu in school pakhatmah upgrade a awm lo a ni a ti.Adhoc High School Teacher zing ah B.ed training lo tam tak an awm avangin an training thei dantur pawh ngaihtuah mek zel a ni a ti. Pu Mahima chuan zirtirtute thahnemngaihna leh thawhrimna zar ah result tha leh school tha kan nei zel a theihtawp chhuah a kan thawhrimna avangin midang in malsawmna an dawn hian keimahni kan hlim thin a ni a ti. Zirtirtute hi naupang an zirlai chauh zirtir tur kan ni lova an nunchang, hawihhawmna, rinawmna leh dikna hi kan zirtir tel tur ani.

Khual zahawm Pu Lalramthianghlima DEO, Lunglei pawh in thu sawiin quality education hi a pawimawh a, school building thalo mahse zirtirna tha hi a pawimawh ber a ni a ti. Tunlai Khawvel changkang zel ah keini zirtirtu te pawh Khawvel ke pen rual a kan pen ve zel theih na tur in keimahni pawh kan in update ve zel tur a ni a ti,zirtirtute hi naupang te entawn ber kan nih ang in kan nungchang leh kan incheina ah pawh kan in uluk a ngai a ni. Kan hnathawh zirtirtu hna hi Pathian in min dah na a ni tih hria a missionary rilru pu in thahnemngai tak in kan thawh a ngai a ni a ti bawk.

Lianhmingthanga President MIGAHTA Lunglei District Committee chuan kalkhawm te lawmna thu sawiin Pu Biaka Pachuau Vice President, MIGAHTA Lunglei District Committee chuan lawmthu sawi na a nei bawk.