Tunlai hian Champhai leh a chhehvel khuaah te Vawk natna PRRS a leng nasa hle a, He natna chungchanga mipuite hriattur pawimawhte Disease Investigation Branch, Animal Husbandry and Veterinary Department a mithiamte nen sawiho a nih hnuah he Vawk natna hian mipuite a tih phawklek theih avangin Health & Family Welfare Department chuan hetiang hian thu chhuah a siam a ni.

1. He Vawknatna hi Porcine Reproductive and Respiratory Syndrome (PRRS), Artevirus, Virus natna hrik vanga lo awm a ni.

2. He natna hian vawk chi kawng leh thawkna dawtah te harsatna a thlen a ni.

3. He natna hi mihring leh rante inkaichhawn theih natna (Zoonotic Disease) anih loh avangin mihringte tan a hlauhawm lem lo a ni.

4. He natna vei leh he natna avanga thi vawkte hi mihringte tan a thianghlim tawk loh vang leh natna dangte pawh an lo vei tel theih avangin Health Department chuan mipuite eilo hram turin a hriattir in a ngen ani.

5. He natna hrik hi mihringte hian vawk dangah kan thehdarh theih avangin anatna vei enkawl kawngah leh a thi te sawngbawl kawngah fimkhur a ngai hle a ni.