Planning Department buatsaiha essay inziahsiaknaa a thupui ‘Mizoram hmathlir chu mi thahnemngai leh mithiam tak tak 42 ten an essay ziah rawn thehlutin tunah hian essay tha zual 10 thlang chhuak turin mithiam bik (panel of expert) ten an endik tan a ni.

Sawrkar inrelbawlna (Governance), Ram hmasawnna (Economic Development) leh khawtlang mil (Social Issues)atana tangkai tur Essay inziah siak endiknaah hian guidelines leh criteria awmsa te hman a ni ang a, Heng essay atanga rawtna tha tak takte hi Planning Department chuan a theih chin chinah a taka hmang turin hma a la dawn a ni. Essay tha zual 10-te hi a bu-a siam a ni dawn bawk a.

Essay tha ber ziaktu hncnah Rs. 50,000/-, pahnihna Rs. 30,000/- leh pathumna Rs. 20,000/-siam a ni dawn a, consolation prize pek a ni bawk ang. Essay result hi January 2016-ah puan a ni ang.