Vawiin chawhma dar 11:00AM khan Pu Hiphei, Speaker Mizoram Legislative Assembly chuan a fapa pathum 3 boralta te : Khaihra(1997), Biehra(1995) leh Laldingliana( Madina-1996) hminga buatsaih KBM Open Football Tournament Final District Playground a khel chu khuallian niin a hmanpui.

He KBM Football Tournament-ah hian Team 29 an tel a, Siaha khawpui pawn atanginTeam 15 leh khawchhung atangin Team 14 an tel a. Final-ah hian Siaha Police Football Club( SPFC) leh No-aotlah Football Club( NTFC) te in tumin, SPFC hian 3-1 in hnehna an chang ta a ni.

He KBM Football Tournament hi League Round system-a ni 13 chhung chhung khel niin, District Playground leh No-aotlah Field-ah te khel a ni. Matches 54 khelin, Yellow card 133 leh Red Card 5 hmuh an awm a, Goal 278 a lut. Champion Team hian Trophy bakah tangkafai Rs.70000/-leh Certificates an dawnga, Runner-up Team hian Trophy+ Rs.30000/-+ Certificate an dawng bawk. Best Player –Robert( SPFC) hian Trophy+Rs.1000/-+ Certificate a dawng a, Best Keeper B.Lalkhawngaihsanga ( SPFC) in- Trophy+Rs.1000/-+ Certificate a dawng a. Top Scorer Zorammuana(SPFC) in- Trophy+Rs.1000/-+ Certificate a dawng bawk. Fair play Award-Rs.2000+ Certificate hi NTFC in an dawng thung a ni. Semifinalist Team 2 te in Rs.2000/- ve ve an dawng bawk.