3899/2023-2024

Dated Champhai the 20th February, 2024 : State Day lawmna hi Champhaiah chuan I&PR Auditorium-ah hun hman a ni a; Champhai Bawrhsap Pu James Lalrinchhana’n thu sawiin Mizoramin State day a lawmna chuan Mizoram tan kawng khat tala hma a sawn thlen ngei se a duh thu sawiin kalkhawmte chu ram tana rilru seng thar leh turin a chah a, State day a lo thlen hian Pathianin Mizo hnam leh Mizoram a din chhuah dan chanchin ngaihtuah chhuah fo a tul thu sawiin kum 20 zet ram a buai hnua remna leh muanna Mizoramin a neih chu khawvelin a awh a nih thu a sawi bawk.

Champhai District Bawrhsap Pu. James Lalrinchhana chuan State Day-ah hian mitinin ram tan engnge ka tih ve theih tih ngaihtuah thar a ngaih thu leh ramin hma a sawn theihna turin mi tinin mawh an phurh thu sawiin 'rual elna dik kan neih chuan ram leh khawtlang hmasawn kan din dawn a ni a' ti a, Ram chu Lapa ta a nih avangin miin ram tana hna a thawh chuan Pathian rawng a bawl tihna a nih thu a sawi a, Kohhran, tlawmngai pawl, Party leh Sorkarin thawhhona tha a neih chuan ram a thang dawn tih sawiin kalkhawmte chu ram tan an thiamna luankhawm tir turin a sawm bawk.

 Pu F Lalrinmuana, SYMA Champhai President chuan Mizoramin State a neih theihna tur leh remna leh muanna a awm theihna tura tha thawhtu zawng zawngte zahna chibai a buk a, Mizoram chu State hmasawn a nih theihna turin mitin neitu rilru pu thar leh tura chahin Sorkar hnathawkte leh party hruaitute ram tana theihtawp chhuah lehzual turin a chah a. “He ram hi ka ta a ni, kan tih theuh a, kan rah chin atanga hma kan sawn zel chuan ram nuam chenna tlak kan siam dawn a ni’ a ti a, Ram a chhiat lohna tura dai theu tura state day puala nenevi challenge  buatsaih a ni chu a lawmawm a tih thu a sawi bawk.

State Day lawmna puala inkhawm Pu Lalrinawma, PD DRDO kaihhruaiah hian Addl DC Pu M Misaela leh Pu Manesia Khaimeichho, SDO(Sadar) te pawhin thu an sawiin Champhaia State Day lawmna hunah hian Champhai khawpui chhunga Head of Office te, Party hruaitu te, Tlawmgai pawl hruaitute leh chanchinbumite an tel a ni.