Mizoram International Documentary Film Festival 2019, ni thum chhung awh chu vawiin khan a tiak ta a. Information & Public Relation Auditorium-ah MIDFF hi neih a ni a, Films Division, Ministry of Information and Broadcasting leh Information & Public Relation Department Mizoram ten an buatsaih a ni.

International Documentary Film Festival neih chhung hian, International Film maker pahnih Haobam Paban Kumar leh Gautam Bora ten Master class la-in nitin chawhnu lamah film siam dan an zirtir a. Nitin zing dar 9:30 atangin Documentary film te en ho, screened thin a ni a. A vaiin film 20 pho chhuah a ni a, hengte hi Films Division buatsaih festival chhunga film siamte an ni hlawm a ni.

Information & Public Relation Director Pi Lallianpuii in Film Division hotute hnena ngenna alo thlen, Film festival leh workshop Information & Broadcasting Ministry in zing zawka khawtual film siamtute leh kum 2014-a MIFF permanent venue atan Mizoram lo puan tawh chu a taka thlentir tura a dilna chu Films Division Director V. Packirisamy chuan tih hlawhtlin ngei a tum thu a hrilh a ni.

Mizoram International Documentary Film Festival (MIDFF) ah hian film siamtu te, MZU leh IIMC zirlai te an tel a, mi 81 hnenah certificate hlan a ni.

Attachment

  • Loading attachment...