Vawiin chawhma dar 11:00 khan DC Conference Hall Serchhipah Prime Minister’s Employment Generation Programme (PMEGP) Loan dil tute interview neih a ni.

Hun bula tanaah hian District Bawrhsap Pi Sangchhin Chinzah, District Level Task Force Committee Chairman chuan thusawiin PMEGP loan hmanga thalai hna nei lote chawikan tam tak an awm tawh chu lawmawm a tih thu a sawi a. Mi rinawm tam tak karah loan rul tha duh lo an lo awm thin chuan loan pe chhuaktu bank thuneitute a ti tawmim deuh nia lang thin chu pawi a tih thu sawiin, Mizote chu hnam fel tak kan ni a, loan latute taima taka kan vil peih chuan tha takin an rul thei em em ang tih beisei chunga rilru zau tak pu tur leh a theih ang anga loan pe chhuak theuh turin bank thuneitute a ngen a ni.

Pi Elizabeth Lalremthangi, Functional Manager, District Industries Centre Serchhip chuan kumina PMEGP loan an pek turah hian Trade hrang hrang 32 ah loan diltu mi 175 an awm thu a sawi a. Heng mite hi Interview board member te dawhkan hrang hrang 6 ah insem darhin interview an nei a ni.