790/2023-2024

Aizawl, the 13th June, 2023: Law & Judicial Minister Pu T.J. Lalnuntluanga chuan vawiin tlai khan Mizorama cham mek Justice Sandeep Mehta, Chief Justice of Gauhati High Court chu Chief Justice Bungalow, Ainawn Vengah kawmin Mizorama Judiciary hmasawnna tur hrang hrangte a sawipui.

He hunah hian Law & Judicial Minister chuan Champhaia District & Sessions Court Building din tur chu sak tan thuai a nih theih nan building plan duante a ranglama Gauhati High Court-in pawmpuina (approval) a pek theih nana tul te, ND&PS Special Court Champhaia dah a nih theih nan leh ND&PS Special Judge Aizawla dah belh a nih theih nana hmalak tulte a sawipui a. Heng bakah hian Law & Judicial Minister chuan Mizoram Judiciary-in nasa taka hma a sawn tawh thu leh mamawh tam tak Mizoramin a la neih thu te, State sawrkar leh High Court te'n hmasawnna tura hmalak kawngah inzaingai tak chunga tanlak dun zel a pawimawh thute thlenin thawhho dan turte a sawipui bawk.

Justice Sandeep Mehta chuan Law & Judicial Minister thil thlente chu High Court lam atanga a theih anga lo bawhzui a tum thu a hrilh a ni.