Vawiin khan DC Conference Hall Serchhipah Mizoram Kailawn Outreach/Awareness Programme tum thumna hman a ni.

He hun kaihruaitu Pu Chuauhnuna, Addl. DC Serchhip chuan Thalai tha chak tha zawkten hnathawh tur mumal hre lova an awm lain nu leh pa tar zawk ten rim takin hna an thawk fo thin a. Chumi chhawkna atan chuan thalai ten kan tuina leh hlawh kan hmuhna tur eizawnna hna dap dan kawng inzirtirna hunt ha tak kan nei chu lawmawm a tih thu a sawi a. Taima taka hna kan thawh loh chuan kan hmlam hun hi a thim viau dawn a ni, a ti. Mithiamte hnen atangin kan hmalam hun atana hlawkna tur zirchhuak ngei turin kalkhawmte duhsakna a hlan a ni.

Pi Zorammawii Ralte, Consultant, Mizoram Consultancy Team chuan Entreprenuership Development Scheme hmalakna chungchang sawifiahin, EDS in a tum ber chu entrepreneur ti mekte zawn chhuah leh tanpui a ni a, IIM Calcutta nena tangkawpa hmalak anih thu a sawi a. He hmalakna atan hian Mizoram Consultancy Team chuan a tul ang angte lo buaipuiin, Bussiness Plan Competition leh Awareness Programme te buatsaih thin a nih thu a sawi.

Dr. Jonathan Lalnunsiama, District Master Trainer EDS chuan Entreprenuership leh EDS chungchang a lem nena entirin zirtirna hun a hmang a, Entreprenuer ni tur chuan thildanglam bik thlen tir thei nih kher a ngai lova, inthlahchhawnna atanga neih chi pawh ni lovin mahni hi kan pawimawh ber a, engkim thiam nih pawh a ngai chuang hek lo a ni, a ti. Beidawng ve ngai lo ten hlawhtlinna an chang thin a, bul kan tawh chuan pen khata hmasawn leh tura kan beih ngam a ngai a ni, a ti bawk.

He hunah hian Michael Hmingthanpuia, Mizoram Kailawn 2017/18 finalist chuan bul a tan dan leh a hnathawh dante leh a hmalak mek dante a sawi bawk a ni.