No.3197/2021-2022

Aizawl 29th November, 2021: October ni 2, 2021 atanga tan Mizoram Khawpui Fai Intihsiakna 2021 endikna chu kalpui tan a ni dawn ta a. Vawiin khan UD&PA Director Pu H. Lianzela hovin a pisa ah hemi atana endiktu tur Panel of Judges te inhmuhkhawmna leh endik dan tur sawihona 'Briefing of Panel of Judges' UD&PA Directorate Office-ah neih a ni a, endikna tehkhawng hrang hrangte leh endik dan tur te thlir ho a zir ho a ni.

Briefing of Panel of Judges hi Convener, Director UD&PA Pu H. Lianzela'n a kaihruai a, Department chhung leh pawn officials te, Mizoram University Professors-te bakah NGO hrang hrang hruaitute he intihsiakna endik tur hian ruat an ni a. UD&PA Department atangin Officer 3 (pathum), Mozoram Pollution Control Board (MPCB), Mizoram University, Mizoram Journalists Association leh Central YMA atangin mi 2 (pahnih) theuh telin, Category hrang hrang-ah Endiktu hrang theuh awmin endikna kalpui a ni dawn a ni.

Mizoram Khawpui Fai Intihsiakna 2021 ah hian Mizoram khawpui 28 te Category 3 ah hetiang hian then hran an ni.

A.    Category-I (Aizawl City)

AMC Ward I - XIX

B.    Category-Il (District Headquarters):

l) Lunglei    

2) Siaha     

3) Champhai    

4) Kolasib

5) Serchhip    

6) Lawngtlai

7) Mamit    

8) Saitual 

9) Khawzawl 

10) Hnahthial 

C. Category-Ill (Other Towns):

l) Vairengte    

2) Tlabung

3) N. Kawnpui 

4) Thenzawl 

5) N. Vanlaiphai 

6) Darlawn

7) Zawlnuam    

8) Biate

9) Khawhai

10) Sairang

11) Lengpui    

12) Bairabi

13) West Phaileng

14) Kawrthah

15) Ngopa    

16) Phullen

17) Farkawn

Category tinah hian hetiang hian lawmman hrang theuh a awm ang:

1st Prize    - Rs. 2,22,222 with memento & certificate

2nd Prize   - Rs. 1,11,    111 with memento & certificate

3rd Prize    - Rs. 77,777 with memento & certificate

Best Village Council/ Local Council lawmman pakhatna atanga pathumna a awm ang a, result hi Januray ni 26, 2022 Republic Day-ah puan a ni ang.

Inelna thianghlim, Mizoram Khawpui Fai Intihsiakna hi Sawrkar Laipuiin Swachh Bharat Mission hnuaia kum tina rampum huap khawpui fai endikna a kalpui thin Swachh Survekshan 2022 atana Mizoram khawpuite inbuatsaihna pakhat atan kum 2017 atang khan UD&PA Department-in a buatsaih thin a ni. Panel of Judges te hian December ni 1, 2021 atangin endik hna an tan ang.