Mizoram khawpuiten faina kawnga hma an lo sawn zelna turin Mizoram State Sanitation Task Force (MSTF) chuan kumin 2017 Faina Hapta hman rual khan khawpui fai inelna ‘Cleanliness Competition in Mizoram (Urban)’ chu nei turin a lo ruahman tawh kalpui dan tur bawhzuiin vawiin khan Planning Secretary Dr.C.Vanlalramsanga hovin ama pisa-ah faina inelna a endiktu tur Panel of Experts ten meeting an nei. 

Cleanliness Competition in Mizoram (Urban) inelnaah hian Mizoram-a khawpui 23-te an tel vek ang a. Mizoram khawpui te hi Category 2-ah thenin hetiang hian inelna siam a ni ang : 

Category-I (District Capitals) : Aizawl, Lunglei, Champhai, Kolasib, Serchhip, Mamit, Siaha leh Lawngtlai 

Category-II (Other Towns) : Saitual, Khawzawl, Hnahthial, Vairengte, Tlabung, Kawnpui, Thenzawl, N.Vanlaiphai, Darlawn, Zawlnuam, Biate, Khawhai, Sairang, Lengpui leh Bairabi. 

Cleanliness Competition Panel of Experts atan a hnuaia mite hi ruat an ni : 

Convener : Er. Lalrothanga, Director, CCDU, PHE Dept.

Member Secretary : Pu James Lalnunmawia, Jt. Secretary (A), UD&PA Dept.

Members :

1. Pi Mina Zoliani, IPRO, Information & Public Relations Dept.

2. Pu Lal Rinmawia, MJA Representative

3. Pu C.Dorema, Community Development Specialist, Design, Supervision Management Consultancy, SIPMIU

4. Dr. Alfred Malsawmsanga, Scientific Assistant, Mizoram State Pollution Board. 

Mizoram khawpui fai ber inelna hmasaber turah hian, September 1-20, 2017 chhungin khawpui tin ten faina lama inbuatsaihna kawng hrang hrang an neih phal a ni a. Vawiin meeting-a rel angin kar leh September ni 18-23, 2017 chhungin Panel of Experts Member-te chu Team 3-ah insiamin district capital leh khawpui dangte an fang/endik dawn a ni. 

He faina inelnaa khawpui thlanchhuah te hian hetiang hian lawmman an dawng ang :

1). Rank 1 - Rs.1,00,000 + Cerificate

2). Rank 2 - Rs.50,000 + Certificate

3). Rank 3 - Rs. 30,000 + Cerificate 

District tina khawpui fai ber (rank sang ber) tan certificate hranpa siam a ni ang a. Heng khawpui fai lawmman hi October ni 2, 2017-ah Cleanliness Week hawnnaah sem a ni ang.

Attachment

  • Loading attachment...