3003/2022-2023

Aizawl 9th December 2022: Vawiin khan Mizoram State Law Commission thutkhawm vawi 40-na chu an Chairman Pu Lala Khobung office chamber-ah neih a ni a. He hun hi Mizoram State Law Commission Chairman Pu Lala Khobung chuan kaihruaiin, member-te inpekna chu lawmawm a tih thu a sawi a. Ram leh hnam hmasawnna atan an ngaihtuahnate nasa leh zuala hmang turin a sawm a ni.

Thutkhawmah hian ‘The Mizo Marriage, Divorce and Inheritance of Property Act 2014’ dan hman meka siamthat leh ennawn ngaite chu sawiho a ni a. He dan chungchanga MHIP General Headquarters, Central Young Mizo Association (CYMA) leh Law Commission member-te atanga rawtna lo lutte chu sawiho a ngun taka zirchian a ni a. Rawtna engemawzat pawm niin sorkarah thlen turin an ruahmana, rawtna thenkhat erawh chu zir zui zel tura dah a ni.

He hunah hian Code of Criminal Procedure (CrPC) Section 167 hnuaia Magistrate te thuneihna – chargesheet submit hmaa jaila mi an dah theih hun chhung pawh sawiho a ni a, ngun taka zirchian leh tura ruahman a ni. Law Commission-in Autonomous District Council-a Anti-Defection Law hmang tura rawtna a lo siam tawh chu hmalak mek a nih thu leh India Danpui ennawn 125-na kal mek zingah a tel tih meeting hi hriattir a ni.

Mizoram State Law Commission-ah hian Pu Lala Khobung chu Chairman niin, Law & Judicial Department Additional Secretary Pu Zahmingthanga chu Member Secretary a ni a. Member-te chu:
1. Pu Diganta Das, Advocate General, Mizoram.
2. Pi Helen Dawngliani, MJS, Secretary, Law and Judicial Dept. Govt. of Mizoram.
3. CEM, Mara Autonomous District Council.
4. CEM, Lai Autonomous District Council.
5. CEM, Chaka Autonomous District Council.
6. Pu Thanglianmanga Guite, MJS, President, Mizoram Judicial Service Association.
7. Pu Anil Rinliana Malhotra, Advocate. President, Mizoram Bar Association.
8. Pu C. Zoramchhana, Addl. Advocate General, Mizoram.
9. Pu Saihmingliana Sailo, Addl. Government Advocate, Mizoram
10. Pu C. Lalrinchhunga. Addl. Government Advocate, Mizoram te an ni