Pu Frank Hartwitch, Industrial Development Officer, UNIDO International Hqrs. Vienna atangin March 21, 2015 (Inrinni) khan Mizoram sorkar leh UN Agency hrang hrangte thawhhona chungchanga Industry lam hawia hma thar lakna buatsaih turin, Austria atangin Aizawl alo thleng a. March 25, 2015 hian Austria kir leh turin Delhi panin a chhuak ang.
Pu Frank Hartwitch hi UNDP Consultant 2 Sandeep Tandon leh Mrs. Manjula Bhuyan ten an rawn tawiawm. Pu Frank Hartwitch hian official pawimawh hrang hrangte, Industry lama hma la mekte kawmna a neih bakah vawiin hian Sesawng, Seling leh Chhingchhip ah te kalin thingtlang miten Bamboo Industry hmanga eizawnna kawng tha zawk neih theih dan tur dap pui turin VC te, YMA hotute, Industry lama tui mite kawmna a nei.
Naktuk hian Aizawl chhehvela Bamboo handicraft hrang hrangte tlawh pahin Forest hotute kawmna a nei bawk ang.
