Vawiin khan Pi Marilyn Rualzakhumthangi, SDO(S) leh Saiha District NLUP Nodal Officer nibawk kaihhruaina hnuaiah Saiha District-a NLUP Line Department ten Meeting an nei.

He meeting-ah hian one crop one village base a NLUP 3rd leh 4th phase kal pui dan tur chipchiar taka sawiho a ni a. NLUP 3rd leh 4th Phase-ah hian Line department tin ten 1st installment-ah Rs. 10,000/- theuh beneficiaries te an lo pe chhuak tawh a. Horticulture Department phei chuan a tangka faia Rs.10,000/- bakah planting material Rs. 20,000/-man nen, a vaiin 1st installment-ah Rs.30,000/- a lo pe chhuak tawh a ni. Hetianga Beneficiaries ten 1st installment an dawn vek tawh hnu-ah one crop one village base a kal pui tur a han nih taka chuan beneficiaries thenkhat chuan line department te pawh hrilh hmasa lovin NIB (NLUP implementing Board), Aizawl atangin department danga insawn phalna Approval te an va la a ni. Hei hian NLUP inpekthuah leh thil felhlel deuh eng emaw a hrinchhuah theih avangin Nodal officer chuan fimkhur hle turin Line department hotute chu a chah a. Line department kalkhawm te chuan one crop one village base a NLUP 3rd leh 4th phase hi kal pui lo va, 1st leh 2nd phase an lo kal pui tawh dan (tih dan hlui zawk) ang khan kalpui ni zawk se tih an duh thu NIB, Aizawl hnenah thlen sak turin Nodal officer chu an ngen bawk a ni.