Vawiin chhun dar 12:00 khan Pu John Rotluangliana Transport Minister chuan Mizoram Maxi Cab Owner Association General Assembly vawi 12 na Bawngkawn YMA Hall ah a hmanpui.
He Assembly hi Pu R. Lalhmunmawia. President MCOA in a kaihruai ah hian Khuallian Transport Minister chuan naupangte an nih lai, motor pawh ZRT nih lai atang tawha motor khalha lo chul nel tawh thin a nih thu sawiin motor neih theih mai bakah duh ang taka khalha control thiam tu nih chu a ropui in a hlu a,tunah kan ram in hmasawn zel in lirthei te pawh a lo pung tawh hle a,chung ang kaihruaitu MCOA kan nei leh Mizoram tana rawngbawltu pawimawh tak pawl a awm chu tha a tiin lawmawm a tih thu a sawi a, khualzin 80% hi lirthei khalhtu te ah an in nghat a ni tiin Khawtinah Maxi Cab a Service tawh a, eizawnna anih rualin kan ram leh hnam tan hna thawk anni tih chu hre reng tura a duh thu leh Sawrkar tawiawmtu leh mipui tana hna thawktu pawimawh tak an nih thu leh Mite tan hnawksak an ni em tih chu in ngaihtuah ngun hle thin tur in a chah a, an lo thahnem telh telh na avanga Ticket Counter pawh khawpui pawna sawn chungchang leh Maxi Cab te khawpui lut lo chungchang pawh ngaituah thiam a tul thu a sawi bawk a ni.
Mitin te inpuitawn tur kan nih hrereng tur leh driver te chu chhungkaw eizawnna pe tu, chhungkaw chawmtu leh lirthei neitu mi pawimawh tak an nih thu sawiin Transport Minister chuan kan drivers theuhte nungchang mawi good manners zirtir an ngai in Traffic Rules te bakah Civic Sense an hriat a ngaihthu te Population atanga chhutin Motor accident vanga chhiatna thleng tamna ber, India-ah kan ni a, 60% hi chu zu ruih vang a nih laiin a dang chu driver lo zawkin a khalh vang te, fimkhur tawkloh vang te a accident thleng anih avanga theih tawpa fimkhur leh ngaihtuah na fim hman a ngaih thu a sawi a, chutih laiin kan lo tih thin ang leh kan lo chin fo tawh anga kawng laka chhiat tawhah inpuih tawn thinte chu chhunzawm zel in Passenger te lakah hawihawm tak leh tawngkam tha hmante in zirtir leh in, kan ram siamthat na ah MCOA te hi a siamtha tur zing a mi pawimawh leh sulsutu pawimawh tak an ni tiin hmalam pana kal zel tur in a fuih bawk a ni.
