No.6068/2020-2021

Vawiin dt 14.10.2020 chhun dar 12.30pm khan Mizoram MP te pahnih Pu C.Lalrosanga leh Pu K.Vanlalvena te chuan Union Finance Minister Smt Nirmala Sitharaman chu a Office Chamber-ah an kawm a, Chief Minister Pu Zoramthanga'n HUDCO Loan ba cheng vaibelchhe 39.29 ngaihdam dilna a lo thawn tawh leh phone hmanga a lo sawi pui tawh chungchang an bawhzui a ni.

MNF leh India inremna avanga lo haw te zinga mi engemawzat leh mirethei harsa te insakna atana kum 1992 a loan lak tawh a pung rulh ngai chu nuai bo sak turin Chief Minister Pu Zoramthanga chuan a ngen a.Union Finance Minister chuan a rang thei ang bera chinfel a tum thu Mizoram MP te hi a lo hrilh nghal a ni.

Mizoram MP te chuan NLCPR pawh tun aia state dangte nena insemrual dan ngaihtuah sak turin an ngen nghal bawk a. Union Minister chuan uluk zawka sem rual dan a lo ngaihtuah tur thu a sawi bawk a ni.

Tun kum kal laia MPLAD fund second installment release loh chuan hna mipuite harsatna a siam nasat thu leh release thuai a tul thute an thlen bawk a ni.

Attachment

  • Loading attachment...