1020/2022-2023
Aizawl, the 23rd June 2022: Dr. Sunil Kumar, Chairman, All India Acupuncture Foundation, New Delhi chuan Mizoram Police mamawh tak leh nunna chhanna atana pawimawh tak ambulance thar Mizoram Police hnenah a hlan a. He ambulance thar inhlan chhawnna hun hi vawiin khan Pu Devesh Chandra Shrivastava Director General of Police hovin PHQ Multipurpose Hall-ah neih a ni a. Hemi hnu hian PHQ complex atangin Director General of Police, Mizoram chuan ambulance thar hi a vailiam a ni.

He Ambulance hi Tata Winger 3448 WB a ni a, DGP Mizoram hmalakna kaltlanga hmuh a ni a.Damlo bakah midang 7(pasarih) chuan theihna niin, damlo hman atan standard auto-loading strecher leh oxygen delivery system hmanga thuam a ni a. Air conditioning system, PA system, Siren, Blinkers leh thil dang hmanga thuam a ni.

Ambulance thar inhlanchhawnna hun hi Pu John Neihlaia, IGP(Hqrs) in a kaihruai a. He hunah hian police officer leh police hnathawk an tel a ni.